З любоўю да роднага слова
З 18 па 22 лютага 2019 года ў школе праходзіў тыдзень беларускай мовы і літаратуры.
Мэта: фарміраванне станоўчай матывацыі да вывучэння роднай мовы, літаратуры і свайго краю; стварэнне ўмоў для таго, каб навучэнцы маглі праявіць сябе, выпрабаваць уласныя сілы ў разнастайных творчых і інтэлектуальных мерапрыемствах; прадэманстраваць свае веды ў згаданых прадметах; спрыяць выхаванню цікавасці і любові да роднай мовы.
Разнастайнасць праграмы дазволіла кожнаму вучню знайсці занятак па душы. З планам тыдня вучні былі пазнаёмлены ў першы дзень.
Амаль усе вучні далучыліся да ўдзелу ў акцыі “Маё любімае слова на роднай мове”. Вучні і настаўнікі запісвалі свае любімыя словы беларускай мовы.
У кабінеце беларускай мовы і літаратуры ўсе маглі пазнаёміцца з малюнкамі вучняў на творы беларускіх пісьменнікаў і ўзнавіць веды па гэтых творах.
На працягу тыдня ўсе жадаючыя мелі магчымасць пазнаёміцца з навінкамі бібліятэкі - кнігамі беларускіх пісьменнікаў.
Турнір знаўцаў роднай мовы і культуры “Родная мова – душа народа” адбыўся паміж вучнямі 5-6 класаў. Вучні прадэманстравалі свае творчыя здольнасці: адгадвалі загадкі, складалі прыказкі і фразеалагізмы, былі ў ролі перакладчыкаў і этнографаў.
Конкурс прайшоў пры высокай актыўнасці ўдзельнікаў гульні і балельшчыкаў.
Старэйшыя вучні ўдзельнічалі ў моўным спаборніцтве “Размаўляем па-беларуску”.
У Дзень роднай мовы вучні прыгадалі гісторыю гэтага дня.
У гэты ж дзень вучні 4-11 класаў мелі магчымасць праверыць свае веды па мове і літаратуры ў рэспубліканскім конкурсе “Буслік”.
Скончыўся прадметны тыдзень гульнёй-віктарынай “Зямля бацькоў – мая зямля!” Мэта - засяродзіць увагу вучняў на гістарычным лёсе Беларусі, абудзіць у іх цікавасць да мінулага краіны і нацыянальнай спадчыны, фарміраваць паважлівыя адносіны да сваёй Айчыны, выхоўваць пачуццё любові да зямлі бацькоў.
Былі падведзены вынікі конкурсу газет “Роднае слова”, “Слоўнік у малюнках”.
На працягу тыдня гучалі музычныя творы на словы вядомых беларускіх пісьменнікаў.
Сярод удзельнікаў тыдня найбольш актыўнымі былі вучні 5 класа: Марчанка Дар’я, Ляхава Таццяна, Сільчанка Аліна, Барысенка Мікалай, Серадова Дар’я, вучні 6 класа: Марозаў Павел, Карпаў Аляксей, Лапаценка Іван, Іслямава Эльвіра, Капаеў Арцём
Тыдзень прайшоў цікава і захапляльна.
